Inicio Blog Outono Gastronómico en Casa Perfeuto María

Outono Gastronómico en Casa Perfeuto María

Martes, 16 de setembro de 2014 Casa Perfeuto María, Gastronomía, Ofertas, Turismo

Outono Gastronómico

Este ano celébrase o 8º Outono Gastronómico nas casas de turismo rural de Galicia.

Entre o 12 de setembro e o 14 de decembro* poderemos reservar o noso “Menú Outono Gastronómico” composto por un entrante, un primeiro e un segundo prato, a sobremesa e un viño de Denominación de Orixe galega ou outra bebida a elixir.


Este menú pode ser reservado de forma independente ou combinado con estadía dunha ou dúas noites en habitación individual, dobre ou familiar (ata dous nen@s, incluídos menús infantís).


*Ofertas válidas en venres, sábados e domingos do 12 de setembro ao 14 de decembro de 2014, excepto os fins de semana do 31 de outubro a 2 de novembro e do 5 ao 7 de decembro.
Para comer ou cear escolle o “Menú Outono Gastronómico”


1 menú Outono Gastronómico por persoa (entrantes, primeiro e segundo prato, sobremesa e viño Denominación de Orixe galega). O prezo é de 30 € / persoa (IVE incluído).


Con estadía dunha noite elixe o “Paquete Outono Gastronómico”:


1 menú Outono Gastronómico por persoa + aloxamento e almorzo nunha das casas de turismo rural participantes nesta promoción (noite de venres ou sábado a escoller ). O prezo é de 110 € /2 persoas en habitación dobre ou de 70 €/1 persoa en habitación individual (IVE incluído).


Pero a mellor opción é a oferta completa da “Fin de semana Outono Gastronómico”.


2 menús Outono Gastronómico por persoa + aloxamento e almorzos nunha das casas de turismo rural participantes nesta promoción (noite de venres e de sábado).


O prezo é de 190 €/2 persoas en habitación dobre ou de 130 €/1 persoa en habitación individual (IVE incluído).


Se queres compartir cola familia esta fin de semana tan especial podes apuntarte á oferta da “Fin de Semana Familiar Outono Gastronómico” con dúas posibilidades:

Familiar con 1 nen@ (ata 14 anos)

2 menús Outono Gastronómico por cada adulto e 2 menús infantís por nen@, aloxamento en habitación dobre con cama supletoria (noites de venres e de sábado) e almorzo para toda a familia os dous días. O prezo é de 250 €/2 adultos + 1 nen@ (IVE incluído).

Familiar con 2 nen@s (ata 14 anos)

2 menús Outono Gastronómico por cada adulto e 2 menús infantís por nen@, aloxamento en 2 habitacións dobres (noites de venres e de sábado) e almorzos para toda a familia os dous días. O prezo é de 290 €/ 2 adultos + 2 nen@s (IVE incluído).




Do Artesanato - Turismo e Natureza

Somos unha empresa familiar á que nos gusta definirnos como ARTESÁNS DO TURISMO DE NATUREZA. Algo que aprendemos dos nosos clientes durante estes últimos 15 anos, é que cada persoa e cada época da nosa vida requiren experiencias distintas, por iso ofrecémosche diferentes formas de gozar do noso entorno.